[ English ]

Swydd gyda chontract dros dro yw hon, a fydd yn para am ddau fis i gychwyn, gyda’r posibilrwydd o ymestyn y contract. Y dyddiad dechrau – cyn gynted â phosibl.

Mae gennyn ni 27 awr o waith ar gael i gychwyn. Bydd angen cwblhau’r oriau hyn o fewn y ddau fis, ond bydd modd eu gwneud yn gynt os ydych chi ar gael. Mae mwy o frys i wneud rhai o’r tasgau, a bydd angen cwblhau’r rheini yn pythefnos cyntaf ar ôl dechrau. Mae’r oriau gweithio’n hyblyg.

Mae gennyn ni gyllideb i dalu £27 yr awr, gyda mymryn o hyblygrwydd i drafod. 

A chithau’n gontractwr llawrydd, byddwch chi’n gyfrifol am ein hanfonebu am eich oriau ac am eich trefniadau treth eich hun.

Rydyn ni’n chwilio am rywun sydd â phrofiad o wneud y canlynol:

• Gwaith gweinyddol ar Google Drive
• Codi arian i sefydliadau cymunedol
• Cyfathrebu dros y ffôn a thrwy e-bost a negeseuon uniongyrchol wrth wneud swydd
• Sgiliau cyfathrebu wyneb yn wyneb da wrth wneud swydd
• Rheoli eich amserlen eich hun yn rhagweithiol

Bydd y swydd yn golygu gwneud y canlynol (yn ogystal â phethau eraill):

• Ysgrifennu cais am gyllid (gyda chymorth)
• Trefnu ffeiliau ar Google Drive
• Recriwtio a rheoli crefftwyr ar gyfer gwneud mân oruchwylion yn Machspace
• Argraffu a gosod labeli ac arwyddion
• Creu ffurflenni monitro
• Delio â chontractau llogi gofod 

Cefndir Machspace: Gofod gwneud ydyn ni yng nghanol tref Machynlleth ym Mhowys.

Adnodd i’r gymuned yw gofod gwneud, yn yr un categori â llyfrgell neu ganolfan hamdden. Mae’n adeilad sy’n llawn offer i’r aelodau ei ddefnyddio – argraffwyr 3D, peiriannau gwnïo, driliau a llifiau, offer sodro, torwyr laser, fframiau gwau ac ati.

Mae bwrdd y cyfarwyddwyr a’r gwirfoddolwyr yn amrywiol o ran rhywedd ac anableddau, ac mae ein staff yn cyfathrebu gan mwyaf ar Whatsapp.

I gael rhagor o wybodaeth am ofodau gwneud, ewch i wefan Hackspace Foundation.

I wneud cais, anfonwch 200-300 gair, neu fideo byr, yn rhoi gwybod i ni am eich profiad a pham eich bod chi’n addas i’r swydd, a hynny i hello@machspace.org.

Y dyddiad cau: 1 Gorffennaf 2024

Y lleoliad: Hybrid – Machynlleth/Gweithio o bell